2024 онд Малын тоо толгойн албан татвараас чөлөөллүүлэх тухай шийдвэрийг Хууль зүй дотоод хэргийн яаманд бүртгүүллээ.

Төв аймгийн Эрдэнэсант сумаас “Дэлхийн усны” өдрийг тэмдэглэн өнгөрүүллээ.

ЕБС-ийн ахлах ангийн сурагчдын дунд жил бүр уламжлал болгон зохион байгуулдаг "Хуулиа дээдлэе" уралдаант тэмцээн амжилттай зохион байгуулагдлаа. * 1-р байранд Б.Ариунтуяа багштай 11а анги * 2-р байранд Ж.Хандармаа багштай 9б анги * 3-р байранд Д.Баярцэцэг багштай 10а анги тус тус шалгарлаа. Тэмцээнд оролцсон нийт багш, сурагчдадаа талархал илэрхийлье. ИТХ, ГХУСАЗЗ

ИТХ-ын 19-р хуралдаан 2023.09.26-ны өдөр хуралдаж иргэд гэр бүлийн хэрэгцээний зориулалтаар 2024 онд олгох газрын байршил хэмжээг баталлаа.

Худалдаа үйлчилгээний цэг салбаруудад аймгийн хууль эрхзүйн хэлтэсийн Хэрэглэгчийн эрх ашгийг хамгаалах улсын байцаагчтай хамтран хяналт шалгалт зохион байгууллаа. Суманд үйл ажиллагаа явуулдаг 16 цэг салбарт ажиллаж хадгалалтын горим алдагдсан болон хугацаа дууссан нийт 407 ширхэг бараа бүтээгдэхүүнийг хураан авч Засаг даргын дэргэдэх орон тооны бус зөвлөлд хүлээлгэн өгч устгалд орууллаа.

Хилс хэрэгт хэлмэгдэгсдийн дурсгалыг хүндэтгэх өдрийг тохиолдуулан хэлмэгдсэн иргэдийн хань ижил, үр хүүхдүүдэд хүндэтгэл үзүүлж гарын бэлэг гардуулав.

Сумын түүхт 100 жилийн ойн баяр наадмаа амжилттай зохион байгууллаа. ИТХ-ын Төлөөлөгчид, БИНХ-ын хуралдааны дарга, зөвлөлийн гишүүдийг хүлээн авч сумын 100 жилийн ойн хүндэт медаль, гарын бэлгийг гардуулав.

Төв аймагт мансууруулах эм, сэтгэцэд нөлөөт бодистой холбоотой гэмт хэргээс урьдчилан сэргийлэх #АНЗААР аяныг эхлүүллээ. Мөн сум уг аянд нэгдэж ЕБС-ийн эцэг эхчүүд болон холбогдох албан тушаалтангууд сургалтанд хамрагдлаа.

Электрон тамхи түүний дагалдах хэрэгслийг худалдан борлуулахыг хориглох тухай захирамжийг худалдаа үйлчилгээний нийт 19 цэг салбарт танилцуулж мэдээллийн самбарт байршууллаа.

Эрдэнэсант сумын Эрдэм шинжилгээний бага хурал амжилттай зохион байгуулагдлаа.

Сумын ГХУСАЗЗ хуралдаж 2023 оны төлөвлөгөөгөө баталлаа.

Сумын ИТХ-ын хуралдаан 2023.02.13-ны өдөр хуралдана.

Сумын ИТХ-ын 12 дугаар хуралдаан 2022.12.19-ны өдрийн 09:00 цагт "Иргэний танхим"-д хуралдах тул иргэд та бүхэн хуралдаанд сууж, хуралдааны үйл ажиллагаатай танилцан, мэдээлэл сонсоход нээлттэй тул хүрэлцэн ирэхийг урьж байна.

Сумын аварга шалгаруулах шатрын тэмцээн амжилттай зохион байгуулагдаж өнгөрлөө. ➡ Эрэгтэй төрөлд- Д.Бямбасүрэн 1-р байр, Б.Дарханбаатар 2-р байр, О.Анхныбаяр 3-р байр ➡Эмэгтэй төрөлд- А.Доржпагма 1-р байр, Д.Оюундалай 2-р байр, И.Долгоржав 3-р байранд тус тус шалгарч, тэргүүн байранд шалгарсан шатар сонирхогчид аймгийн тэмцээнд оролцох батламжаа гардан авлаа.

Хог хаягдлын хураамжийн хэмжээг тогтоож, үнийн тарифыг шинэчлэн батлах тухай сумын ИТХ-ын шийдвэр МУ-ын Хууль зүй, дотоод хэргийн яамны захиргааны хэм хэмжээний актын улсын нэгдсэн бүртгэлийн 5990 дугаарт бүртгэгдлээ.

Өөрсдөө санаачилж хамтдаа хийцгээе. 8-р чуулганыг "ҮЕ ТЭНГИЙН ДЭЭРЭЛХЭЛТИЙГ ТАСЛАН ЗОГСООЁ" уриан дор 4-12-р ангийн сурагчдын дунд зохион байгуулж явууллаа. Сурагчид "Үе тэнгийн дээрэлхэлт гэж юу вэ?" сэдвээр илтгэл тавьж сурагчдыг 5-н өртөөнд хувааж үе тэнгийн дээрэлхэлтийн тухай ярилцаж тэдний дуу хоолойг сонсон Уриалгаа гаргаж цаашид мөрдөж ажиллахаар боллоо. ХӨУБ-н тэргүүлэх сурагчид Үе тэнгийн дээрэлхэлтийг харуулсан жүжигчилсэн тоглолтоо цахим хэлбэрээр бэлтгэн сурагчдад бичлэгийг үзүүлэн цаашид юун дээр анхаарах вэ?, Мөн өөрчлөлтийг өөрөөсөө эхлэхийг сурагчдадаа уриаллаа. Зөвлөгөөний үеэр сумын ИТХ, ГХУСАЗЗөвлөлөөс хамтран ажиллаа.

Таван багийн иргэдийн Нийтийн Хурлууд хуралдаж дууслаа. Хурлаар дараах асуудлуудыг хэлэлцэн шийдвэрлэлээ. 1. Багийн Засаг даргын ажлын тайлан 2. Өвөлжилтийн бэлтгэл ажлын талаар 3. Отор нүүдэл оруулахгүй байх талаар 4. Хог хаягдалыг цэвэрлэх, зориулалтын бус газар хогоо хаяхгүй байх, хураамж төвлөрүүлэх тухай 5. Улс, аймгийн аварга, Ж.Самбуугийн нэрэмжит залуу аварга малчинд нэр дэвшүүлж уламжлах тухай 6. Бусад

Нутгийн өөрөө удирдах байгууллага үүсч хөгжсөний түүхт 30 жилийн ойг 2022 оны 09-р сарын 23-ны өдөр тэмдэглэн өнгөрүүллээ.

Сумын ИТХ-ын Төлөөлөгчид "Зөв мод-Зөв арчилгаа" уриан дор Ногоон дуу хоолой аяны хүрээнд мөн хэлмэгдэгсдийн дурсгалыг хүндэтгэх төгөл байгуулах ажлыг зохион байгуулж, төлөөлөгч бүр нэг мод тарьлаа. Нийт 25 ширхэг модыг тарив.

Аймаг, сумын ИТХ-ын Төлөөлөгч, Аймгийн ЗДО Ц.Буманбуян аймаг, сумын үйл ажиллагааны талаар мэдээлэл, сумын ИТХ-ын дарга Х.Чинзоригт 2020-2022 оны үйл ажиллагааны тайлан болон хэм хэмжээ тогтоосон актын талаар мэдээлэл хийв. Аймаг, сумын ИТХ-ын Төлөөлөгч, сумын Засаг дарга Т.Мөнхзориг сум орон нутагт хийсэн ажлын тайлан болон хийгдэх гэж байгаа ажлын танилцуулгыг хүргэв. Мөн Заамар суман дахь сум дундын цагдаагийн хэлтэсээс мэдээлэл хийнэ. /Цагдаагийн ахлах дэслэгч Чимэддулам/, Сүү ХХК-иас танилцуулга мэдээлэл хийлээ. Нээлттэй хаалга арга хэмжээний хүрээнд: /Аймгийн ЭМГазар, ХАА-н газар, Улсын бүргэлийн хэлтэс, Газрын харилцаа барилга хот байгуулалтын газар, Нийгмийн даатгалын хэлтэс, Хөдөлмөр халамжийн хэлтэс, Биеийн тамир спортын газар, Номын сан, Татварын хэлтэс, Заамар суман дахь сум дундын Цагдаагийн хэлтэс, Нэг цэгийн үйлчилгээ “E-Mongolia”/ оролцож иргэдэд нээлттэй үйлчилгээ үзүүллээ. Иргэдээс ирүүлсэн асуултанд хариулах, санал сонсох ажиллагааг зохион байгууллаа. Концерт: МУ-ын “Соёлын Тэргүүний ажилтан” П.Жимсээ болон бусад дуучдын тоглолт /үнэ төлбөргүй/ тоглолоо.